James Fenimore Cooper

Dr James Fenimore Cooper (* 15. Septämber 1789 z Burlington, New Jersey as James Cooper; † 14. Septämber 1851 z Cooperstown, Nöi York) isch en amerikanische Schriftsteller vo dr Romantik gsi.

Dr Cooper isch in vile Hiisichte e Schlüsselfigur in dr amerikanische Litratuur. Näben em Washington Irving isch er dr erst amerikanisch Schriftsteller gsi, wo vo sine Büecher het chönne lääbe. Er isch bis wit in s 20. Joorhundert iine au in Öiropa dr Schriftsteller gsi, wo woorschinlig am mäiste gläässe worde isch. Noch em Vorbild vom Sir Walter Scott het er die erste historische Romään und die erste Seefaartsromään vo dr amerikanische Litratuur gschriibe. Si umfangriichs Wärk umfasst au no e Hufe historiografischi Wärk, Esseys und Satire über Amerika und Öiropa. Bsundrigs bekannt si bis hüte sini fümf „Lääderstrumpf“-Romään, wo d Erschliessig vom amerikanische Weste dur wissi Scouts, Trapper und Siidler, aber au d Vernichdig vo dr indianische Kultur zum Thema häi.